Reim de... oder so...
Es gibt leicht moi wos, wo ma se an Reim drauf macht.
Oder a moi gar ned ko.
Na muasst schaung, obsd de gedanklichn Leckagn dichtn kost. I jednfois.
Auf dera Seitn hob i vo mir a paar Sachan eigestäid, wia i mir manches so zamreim.
Manchmoi hob i ma an Reim draus macha kenna. Und dengersd aa moi ned.
Wias hoid oiwei so is im Lebn: Moi so und na moi wieda a so... oder ganz anders.
Bsonders
Wos Bsonders? Wos is Bsonders? Für wen?
As Bsonderne is deswegn wos Bsonders,
weil mas gwiss ned für selbstverständlich oschaugt.
Und weil mas unbedingt rauskenna mog aus oim,
wos so oft so gern moi vo so vui anderne
ois zu "selbstverständlich" ogschaugt werad.
2021 / 2022 (irgendwann do)
Glockgiassa
Festgemauert in der Sturheit
steht Berlins Dreifaltigkeit
Rechthaben wollen, statt besser machen
uns sei's mit Stur- und Starrigkeit!
Frisch Gesellen, baut Akku-Speicher
Rohstoff and`rer Völker gibt`s.
Muss nicht unser Problem werden
wenn`s Lithium eh von fern her ist.
WKR und PVA
sollen richten, wird schon geh`n
dass` ned geht und so nie reicht...
wollenmanche nicht einsehen!
Lösung gäb`s wohl, mit H2
will nur keiner, weil ned "meins"
zudem das Bayernland dies fördert
des geht na ned; des darfs ned sein.
So red`t und red`t a jeder gscheid
was sein sollt`- und doch keiner baut
Dem "Schiller" und den Glockengießern...
glaabts aa, dass denen aa boi`graut!?!
2022 (sehr frei - ich weiß. Aber manchmoi muass einfach moi wos ausse!)
Jetz` is`ja so
Jetz‘ is‘ ja so:
I siech an Baam
I siech de Bladl und de Knospn
und des Obst an eahm dro.
Drent is a Strauch
mit seine Dorn‘
Drin nistn Vogerl, schrein nach Fuada
s‘ Zwitschern klingelt in de Ohrn
Es is a Dog,
wia jeda Dog
Nur zuahörn duad ma nimmer oft
ois andere waar z’wichtig worn
Dabei is Leb`n
wias oiwei war
Wia heit friah und a wia gestern
seit woi hunderttausend Johr
Oafach nur schee!
Oafach nur schee!
Setz Di hi, hör hoit oafach aa moi zua!
Lass Di doch grod aso a moi geh!
26.04.2021
Es is soweit - Silvester
Es is soweit - wieder geht a Johr aufs End`
ma denkt nomoi - wos is des Johr ois so gwen`?
Hod ma erreicht - wos ma se vorgnumma hod?
Wos war griabig - und wos a moi oafach nur schod?
Do war Freid, do warn Sorgn
vui Lacha, vui Spaß
aba aa amoi Tränen
de ma trocknet hod
Do warn Freind, de do warn
mit na Schuidda für Di
ois im oim war`s ned so zwieder
und jetz`is Johr eh scho dahi.
Jetz`kimmt a neis Johr - und ois geht ganz vo vorn los.
Mit guade Vorsätz`? Wer`s braucht, dem heift des leicht wos.
Schaugts nimma zruck - wos im Tagebuach vo gestern steht,
weil da Weg - oiwei nur vorwärts geht.
I wünsch`eich Freid, wenig Sorgn
vui Lacha, vui Spaß
und hods amoi Tränen
wen ders mit eich trochnen ko
Guade Freind, de do san
mit na Schuidda, de eich hoit.
Kemmts guad umme und bleibts Gsund!
Ois Guade - und bis boid!
31.12. 2015
Aushoitn?
I hoits ned aus
Wennsd so hearst, wos manche ois verzäihn.
Und na siehgst, wos anderne ois so dean.
Na woasst, wer de san, de nix anders kenna,
de kost oiwei grod schnodern hean!
I hoits ned aus
Leit de vo Liab und Freindschaft redn
und wunder wia sie oi guad waarn,
dabei nur sehng, wos eahna basst
und wias für sie seibst guad nausgang.
I hoits ned aus
de grod so Guadn, de so gern vom O'm ro redn.
De sogn, dass Di so guad verstenga'
und doch nur gnua Anlauf hoin Dir`s Messer
mit Anlauf diaf ins Kreiz zum renna!
I brauch de ned
de hinter Dir verzäin, Du warst da Bäse
und Du dadsd anderne ausnutzn.
De s' eig'ne Spiagelbuid nimmer sehng,
und d'Leid mit Lug und Trug beschmutzn!
Sommer 2021
Druckversion 